(১)
ভূপেন দা আমাৰ প্রাণত
আমি ভূপেন দাৰ গানত ।
(২)
ভূপেন দা এখনি নৈ
এই নৈ থাকিব বৈ
চিৰকাল সমন্বয়ৰ নাম লৈ ।
(৩)
কৃষ্টি-সংস্কৃতিৰ টান
কথা নকয় ভূপেন দাই
গায় মাথো মানবতাৰ গান ।
(৪)
ভূপেন দাৰ কবিতা
সূর্য় উঠা দেশৰ মানুহৰ
জীৱন শলিতা ।
(৫)
ভূপেন দায়ে মিছা ক'লে
তেওঁ নহয় যাযাবৰ
লুইতৰ পৰা ভল্গা
অটোৱাৰপৰা পেৰিচ ব্যাপি
তেওঁৰ ঘৰ
তেওঁ নহয় যাযাবৰ
বিশ্ব-নাগৰিক অসমৰ ।
(৬)
ভূপেন দা মাথো এজন ব্যক্তি নহয়
যি ব্যক্তি নহয়
তেওঁৰ মৃত্যু কেনেকৈ হয় ।
No comments:
Post a Comment